荒失失奇兵3:歐洲逐隻捉  |  Madagascar 3: Europe's Most Wanted
上畫日期 2012年08月02日

《荒失失奇兵》返嚟喇!今年暑假,獅子阿力、斑馬馬提、河馬歌莉亞和長頸鹿邁文,又再展開刺激大冒險!台前幕後原班人繼續合作;原裝英語版配音人馬星級回歸,包括《翻生侏羅館》系列賓史迪拿、黑人搞笑巨星基斯洛克、《老友記》大衛舒溫瑪等,仲有金像影后法蘭絲麥杜文、《波叔出城》性格笑匠沙格畢朗高漢隆重加盟,令陣容更加「聲」光熠熠!

話說第一集獅子阿力、斑馬馬提、河馬歌莉亞同長頸鹿邁文由紐約中央公園動物園走失,流落到馬達加斯加;第二集信錯企鵝上錯機,搞到緊急空降非洲大草原;今次佢哋追蹤企鵝去到歐洲,除咗想向企鵝展開大報復,當然最想最想…就係返屋企!但係未返到屋企之前,呢班動物為咗唔想太引人注目,喺自認最叻做騷嘅獅子阿力帶領下,決定加入馬戲團掩飾身份。平時喺動物園食慣歎慣嘅佢哋,要霎時做出馬戲明星嘅高難度動作又得唔得?

今年暑假,《荒失失奇兵3:歐洲逐隻捉》(Madagascar 3: Europe's Most Wanted )!

導演Eric Darnell、Tom McGrath、Conrad Vernon
演員配音: 賓史迪拿、基斯洛克、大衛舒溫瑪、法蘭絲麥杜文、沙格畢朗高漢
觀看次數:2302
電影總數:1634
網頁瀏覽次數:1983206