喪星玩轉荷里活  |  Movie 43
上畫日期 2013年02月21日

一齣被美國國防部,評為「一級非物質致命武器」,勁過「攞你命3000」; CIA、FBI等特工組織,出動所有精英徹夜追查,都查不到影片來源;正常男人睇完,更會陽痿自殺死的「史上最癲喪禁片之王」─ “Movie 43”,竟然在一次意外下,被三個騎呢高中生喺網上揾到疑似片段… * 蝙蝠俠與羅賓,不拯救葛咸城,走去參加SPEED DATING,惹來一群超女英雌,連番「媽叉」,追收風流債!? * 戇膠處男,被父母「老點」,留在家中「焗」上瘋狂高中課。到底會是一場揾笨版《禁室培慾》,抑或是重口味的《愛的敎育》!? * 富豪大款送花、送車、送豪宅來示愛你就聽得多;送自己「便便」示愛,你又有冇見識過?一對痴男怨女,實行紥馬運功,大「爆」一場「臭」味相投的「屎」詩式戀愛!? * 靚仔鑽石王老五,溝女卻「永冇得手」?…原來係器官生錯位,人人嫌棄佢「一袋宗師」嘅真正身份!? * 可愛哈比人,粗口講到無時停;你要佢做運財童子,佢話叫你去食屎! 更多更爆內容,尚未曝光,究竟邊段先係真正嘅“Movie 43”?超多巨星、勁重口味低俗喜劇《喪星玩轉荷里活》,記住2013年2月入場觀賞!

導演彼得費華利、畢維納
演員愛瑪史東、琦温絲莉、曉治積曼、李察基爾、荷爾芭莉
觀看次數:1414
電影總數:1618
網頁瀏覽次數:1942510