名瞞戇族 | We're the Millers
上畫日期 2013 年 09 月 19 日
由珍妮花安妮絲頓及積遜蘇迪堅斯繼票房奇葩《邊個波士唔抵死?》後再度銀幕攜手擦出爆笑火花,並由《屎波快閃隊》導演羅遜費巴執導。 格大維 (積遜蘇迪堅斯 飾) 係個有原則的大麻小拆家,顧客層面非常廣泛,有廚師、中產阿媽…唯獨未成年少年免問。以為咁樣就唔會瀨嘢?答案係:錯哂。為了掩飾 身份,佢一直保持低調;但一次出手幫鄰居解圍點知好心著雷劈,反被三個古惑仔搶走所有大麻同現金,令佢欠落拆家班主高列畢 (艾希姆斯 飾) 一身債。 大維唯有幫高列畢由墨西哥走私大麻返美國來還債;為求低調過境又唔使坐監,大維不惜威逼利誘一眾鄰居:性感鋼管舞女郎露絲 (珍妮花安妮絲頓 飾)、未夠秤準買家 毒男堅尼 (威爾保爾特 飾) 同叛逆少女姬思 (愛瑪羅拔絲 飾) 扮成美國典型溫馨家庭,一家四口扮姓「米」參與呢個「疑似實無死」任務。一個假老婆、兩個假 仔女,再加一大架RV旅行車,「米氏一家」喺美國獨立日出發去墨西哥食大茶飯,引發連串囧人膠事。 《名瞞戅族》由羅遜費巴執導,《冒牌伴郎生擒姊妹團》Bob Fisher 及Steve Faber、和《冰火時光機之回到80後》Sean Anders及John Morris編劇,Bob Fisher 及Steve Faber原創故事。主演電影的演員還包括《分手再愛你》愛瑪羅拔絲、《逃學黐 孖咇》尼克奧弗曼、《大鈍裁者》嘉芙蓮漢恩、《魔幻王國:黎明行者號》威爾保爾特、及《醉爆伴郎團》系列艾希姆斯。影片由Vincent Newman、Tucker Tooley、Happy Walters及Chris Bender監製,David Heyman、J.C. Spink、Marcus Viscidi、Toby Emmerich、Richard Brenner及David Neustadter擔任執行監製。
Copyright © 2010-2018 filmshk.com All rights reserved.